L à metù man l'"Isté deboriada"
Ai 15 de juni iel pià via l prugram de animazion da d'instà per mutons y jëuni de duta la Val Badia.
L jirà inant nchin ai 21 de agost, l prugram de ntratenimënt metù a jì dal Sorvisc ai Jogn dla Val Badia.
L prugram ie pensà per mutons y jëuni de duta la valeda y vën nce metù a jì ti luesc desferënc.
N prugram cun limitazions - y cun de manco partezipanc
Do l tëmp d'emergënza Coronavirus an mussù mudé l prugram y crì alternatives ala manifestazions che ne se lascia cun la normatives de sën nia mëter a jì. L se à nce scrit ite de manco mutons n cunfront al ann passà: la melsegurëzes y la tëmes ie pra vel familia mo grandes.
N prugram adatà per mutons de uni età
L servisc vën finanzià n gran pert dala Pruvinzia de Bulsan, mé l 20 percënt vën trat ite tres la cuota de iscrizion.
Ntan l'enes dla scumenciadiva vëniel pità doi pugrames: l'"Isté deboriada" che tol ite i mutons dala prima ala cuarta elementera y l "Cool summer" per i mutons de cuinta, chëi de prima y segonda mesana.
Uni ena velch de nuef
L prugram pieta velch per uniun y vën partì su te fases de doi enes l'una. I mutons possa crì ora tan de enes che i uel fé pea o sce i uel fé pea l prugram damesdi o domesdi. I animadëures mët a jì d'uni sort de ativiteies, sibe alalergia che tl local di jëuni.
L prugram ie pensà per mutons y jëuni de duta la valeda y vën nce metù a jì ti luesc desferënc.
N prugram cun limitazions - y cun de manco partezipanc
Do l tëmp d'emergënza Coronavirus an mussù mudé l prugram y crì alternatives ala manifestazions che ne se lascia cun la normatives de sën nia mëter a jì. L se à nce scrit ite de manco mutons n cunfront al ann passà: la melsegurëzes y la tëmes ie pra vel familia mo grandes.
N prugram adatà per mutons de uni età
L servisc vën finanzià n gran pert dala Pruvinzia de Bulsan, mé l 20 percënt vën trat ite tres la cuota de iscrizion.
Ntan l'enes dla scumenciadiva vëniel pità doi pugrames: l'"Isté deboriada" che tol ite i mutons dala prima ala cuarta elementera y l "Cool summer" per i mutons de cuinta, chëi de prima y segonda mesana.
Uni ena velch de nuef
L prugram pieta velch per uniun y vën partì su te fases de doi enes l'una. I mutons possa crì ora tan de enes che i uel fé pea o sce i uel fé pea l prugram damesdi o domesdi. I animadëures mët a jì d'uni sort de ativiteies, sibe alalergia che tl local di jëuni.