Trail
09 Agost 2020 Ajorné da les 18:13
Ert y Cultura

La storia de La Val te na publicazion nueva

L liber dat ora dal Consëi de Formaziun ti dà na udleda ala cronica dl luech dal passà nfin al prejënt.

Tl cheder storich-culturel dla vedla dlejia de La Val y te na curnisc mujichela y teatrala iel unì prejentà l liber „La Val", scrit da Veronica Rubatscher, Alfred Tavella y Daria Valentin. L liber ti va do a na lingia de aspec dl paesc y l chemun, tulan ite storia, economia, sozietà, ert y cultura. 

Na lerch a particulariteies mo mei publichedes

L liber de 400 plates ie rich de cuntenuc. Truepes ie la fotografies dla natura mprescionanta, truepes nce la fotografies storiches tëutes ora dal archif dl Museum ladin, dal Istitut ladin y da privac che à metù a despuszion retrac de tëmps passei. Gran pëis ti à i autëures dat dantaldut a fac che ne ie mo mei unic publichei, nsci che l vën documentà nce vel ntraunida o aspet che fova bele tumei tla desmincënza.

Cronologia dl svilup de n luech da mont

Tl liber vëniel nce documentà la gran mudazions a livel soziel y tecnich dl paesc y de duta la cuntreda ntëurvia. 
L passà ie mpurtant, ma l liber ne uel nia vester nostaglich y che cëla mé de reviers, ma l uel vester n liber che ti dà nce na lerch ai aspec moderns dl paesc cun si economia.

L liber "La Val" ie dat ora dal Consëi de Formaziun La Val cun l sustëni dl Chemun. 

					

Al podess ince te interessé…


					
						

De autri video Ert y Cultura