Trail
09 Agost 2020 Ajorné da les 18:13
Turism

Zifres cuecenes de messel, ma otimism per agost

La QC Termes de Poza ie una dla nfrastrutures plu aprijedes te Fascia. Trail les à vijitedes, per udëi coche l vën metù ndrova i protocoi de sanità.

Nchin dan l "lockdown" ti cialova la QC Termes de Poza ancontra a na sajon da record: 32 mile ntredes iel unì cumpedà mé danter jené y 9 de merz de chëst'ann. Dai 20 de juni incà ie la strutura inò davierta. Do l'emergënza coronavirus danz cun vel restrizion.

Do n messel mesan sperun de avëi n bon agost

De messel iel ntant unì registrà n manco de 30 percënt pra la ntredes respet al ann passà. I dac fej speré sun n mieur agost, nce ajache ntan chisc ultims dis de bel tëmp iel inò unì adalerch deplù jënt. 

Regules rigurëuses

I protocoi de sanità per la termes ie da tenì ite avisa. L vën muserà la fieura, mascheres y destanzes ie de ublianza. L'aria ti salamënc dedite vën mudeda ora trëi iedesc al di, l medem vel per la sanificazion dl'eghes tla vasches.
Ma scebën che n ie mo nia ruvei de reviers ala nurmalità à la termes na funzion mpurtanta per i vijitadëures, che chier mpue de paussa y de chiet.

					

Al podess ince te interessé…


					
						

De autri video Turism