Trail
09 Agost 2020 Ajorné da les 18:13
Cronaca

Vacia salveda cun l joler

N ntervënt particuler iel stat sun Lujia. Sun l post destudafuech y l dutor dai tieres.

L ie stat n'aventura fineda bën per una dla manzes che Gianbattista Vanzo tën sun i prei dl Lusia. 
La vacia ie tumeda te na buja de n vedl fòs de cumbatimënt. Te chël raion n iel trueps.  
L paster Robert se à ntendù che la vacia manciova, ie jit a la crì y l'à tosc giateda, sfineda ma zënza ferides.  

N ntervënt che à tëut n gran lëur

L ie unì adalerch destudafuech y l dutor dai tieres. L ie stat de bujën slargë l fòs cun pich y badil, acioche l dutor à pudù permez ala vacia. I destudafuech à pona metù n segurëza l tier. 
Calmeda cun medejines, ciuleda ite y cun i uedli curìi, ie la manza unida trata ora dala buja cun l joler, che l'à lasceda sëura te pra - mo mpue spriguleda, ma zënza ferides, nsci che la vacia jëuna possa inò sté n pastura zënza cruzies sun la mont de Lusia.

					

Al podess ince te interessé…


					
						

De autri video Cronaca