Trail
09 Agost 2020 Ajorné da les 18:13
Turism

Luesc da paur damandei coche mo mei

Te chësc instà particuler ti vëniel dat mpurtanza dantaldut a valores coche natura y segurëza.
de Concetta Bonaldi

Na vacanza alternativa, tl chiet, dalonc dal trafich y dala truepa jënt: dut chësc possun giaté sun n luech da paur. 
Y chëst'ann, che la va de cunviver cun l Covid, vën chësta carateristiches aprijedes mo deplù.

Luesc da paur y cuatieres scialdi damandei

Felix Dapoz, che à n luech da paur a La Val, ie nchin sën cuntënt. Si cuatieres, ma nce chëi de d'autri paures ie bele apustei danora nchin ala fin de agost. 
Fé feries tla natura ie nce pervia dl'emergënza sanitera atuel coche mo mei. L destanziamënt soziel y la mesures de segurëza ie tlo plu saurìi da tenì ite.

For deplù scuvierj la vacanzes alternatives

Sté tla natura y ancunté i tieres dl luech ne ie nia mé per i mëndri n'esperienza nueva
Drët bel ti sal, dantaldut a chi che vën dala ziteies, a mparé a cunëscer la vita da uni di paurs, a lauré ti ciamps y a ciarcë i prudoc dl luech. 
Daujin ai tlienc di ani passei iel chëst'ann nce truepa jënt che chier ora n cuatier o n luech da paur propi pervia dla situazion mpue particulera. Tlienc, che mparerà a aprijé da nuef la belëzes dla natura.

					

Al podess ince te interessé…


					
						

De autri video Turism