Trail
19 Otober 2020 Ajorné da les 13:15
Politica y Istituzions

I resultac plü marcanc dla Val Badia

Felix Ploner ombolt de Mareo - la novité. Iaco Frenademetz ombolt de Badia: la continuité.
de Mateo Taibon

Comun de Mareo: la novité dl ombolt, Felix Ploner d'la Lista Paisc D'La Pli, co á davagné con n destach der picio sön l'ombolt da denant, Albert Palfrader (48,6 % cuntra 47,4 % - 18 usc de desfaronza). 

Te consëi de comun bona la presënza de aconsiadus d'La Pli. La lista plü sterscia Al Plan, co á le 41,2 % dles usc. Do vëgnel Düc Adöm con le 24,4 % - n bun resultat por la lista nea. Spo la lista Paisc D'La Pli con le 23,1 %, y spo la lista Rina con le 11,2 %. 

A Badia romagn Iaco Frenademetz ombolt - ince con destach picio, 25 usc de desvalianza i á salvé le scagn al ombolt da denant co röa ensciö a söa terza (y por lege ultima) legislatöra. Söa lista Badia - La Ila - San Ciascian é endere debla te consëi de comun: ara á le 24,9 %, dertan che la lista Manfred Canins ombolt á le 37,2 %. Danter ete Deburiada con le 28,5 %. Con cotan de destach jö da pe la Lista Zivica Por düc - per tutti - für alle: ára á le 9,4 %. Le candidat ombolt de cösta lista, Christian Pedevilla, á ciafé le 14,4 % dles usc.


					

Al podess ince te interessé…


					
						

De autri video Politica y Istituzions