La grandëza dla pitla cosses
Ëila à permò 22 ani y à bele pudù pië do deplù pesć cun si tesć y si poejies. Śën à Nadia Rungger de Puntives prejentà si prima publicazion.
"Das Blatt mit den Lösungen" - la zedula cun la soluzions. Chësc l titul dla publicazion, te chëla che Nadia Rungger prejënta si reflescions sun mumënc che uniun de nëus afruntea di per di.
L ie udledes drët sotes, vijions ntrospetives de na jëuna ntan si prozes de madurazion, te chël che ëila ne schiva nce nia de se cunfrunté cun la verscion plu jëuna de sé nstëssa.
Prosa y lirica per tudësch y per ladin
La gran pert di tesć ie per tudësch, rujeneda te chëla che Nadia, coche studënta de rujeneda y leteratura tudëscia a Graz, se fej drët saurì. Ma la reflescions plu sotes giapa forma te si rujeneda dl'oma: l ladin de Gherdëina.
La faszinazion dla pitla cosses de uni di
Nia la gran cosses, ma i pitli mumënc descëida te ëila nteres y bunder. La cunties descrij de pitla particulariteies a chëles che ne abadon bele giut nia plu, la poejies se cunzentrea sun n detail o na situazion. Cuntemplazions analisea na cossa la partian su te singuli elemënc.
L prim liber - n travert y n pont per pië via
La publicazion dl prim liber ie n gran mumënt per i pitli pensieres de Nadia, che ie śën njiniei per pië l jol y unì partìi cun d'autra jënt.
L liber ie unì ora tla cësa editëura A. Weger de Persenon.
L ie udledes drët sotes, vijions ntrospetives de na jëuna ntan si prozes de madurazion, te chël che ëila ne schiva nce nia de se cunfrunté cun la verscion plu jëuna de sé nstëssa.
Prosa y lirica per tudësch y per ladin
La gran pert di tesć ie per tudësch, rujeneda te chëla che Nadia, coche studënta de rujeneda y leteratura tudëscia a Graz, se fej drët saurì. Ma la reflescions plu sotes giapa forma te si rujeneda dl'oma: l ladin de Gherdëina.
La faszinazion dla pitla cosses de uni di
Nia la gran cosses, ma i pitli mumënc descëida te ëila nteres y bunder. La cunties descrij de pitla particulariteies a chëles che ne abadon bele giut nia plu, la poejies se cunzentrea sun n detail o na situazion. Cuntemplazions analisea na cossa la partian su te singuli elemënc.
L prim liber - n travert y n pont per pië via
La publicazion dl prim liber ie n gran mumënt per i pitli pensieres de Nadia, che ie śën njiniei per pië l jol y unì partìi cun d'autra jënt.
L liber ie unì ora tla cësa editëura A. Weger de Persenon.