Aiüt Alpinisc: 108 ntervënc y 120 persones judedes

Nce per l Aiüt Alpinisc Alta Badia se à stlut ju la sajon. L insta ie per la union l tëmp de majer note. Chëst ann iel stat mo plu cherdedes che i ani passei.

Cun l aumënt dl turism da mont, chëst ann mo deplu che i ani passei, ie la cumpëida di ntervënc mo n iede cresciuda: l ann passà iel stat 101 cherdedes via per dut l ann, chëst ann iel mé ti mënsc da d’insta stat bën 108 cherdedes.
 
I 40 ulenteresc dl Aiüt Alpinisc Alta Badia à te chësta sajon judà 120 persones: gran pert di ntervënc ie jit a bon fin, de gra nce ala tecnologies che n à da garat per purté aiut.
 
L’atività dl Aiüt Alpinisc va sën inant cun i cursc de furmazion, proes, eserzitazions y simulazions de uni sort. Mé nsci iel mesun vester for njeniëi canche n vën cherdei.