Ala descurida di tesores de nosc ncësa
Per l di dl fond per l ambient talian FAI à la sezion de Fascia y de Flëm metù a jì na vijita al luech de Ciampedel.
Fé cunëscer ala jënt dl post, ma nia mé, l patrimone storich y artistich de Ciampedel cun n percurs a tapes y tl respet dla normes anti-Covid: chësc fova l fin dla scumenciadiva metuda a jì n ucajion dl di dl FAI. La particulariteies de Ciampedel ie unides purtedes dant da trëi ulenteres dl post.
Ciampedel, n luech cun truepa richëzes
La vijita à metù man pra l stont fat su al scumenciamënt dla Gran Viera y ie pona jita inant tres i ridli dl luech y l zënter storich. L ie unì vijità la "cesa del Faure" cun si afrësc del 1500, la "cesa del dazie" y l albierch "Agnello", un di plu vedli dla valeda, testemon dla prima fases dl turism.
Nteressanta nce la dlieja de San Felip y Giacum, cun si ciampanil y chël che resta di biei afrësc del 1400.
L'atività dla grupa FAI
La grupa FAI de Fascia y de Flëm à n 100 cumëmbri y per l'ucajion iel nce unì abinà adum dunfiertes per pudëi purté inant si proiec per derturé su y valorisé l patrimone artistich local.
Ciampedel, n luech cun truepa richëzes
La vijita à metù man pra l stont fat su al scumenciamënt dla Gran Viera y ie pona jita inant tres i ridli dl luech y l zënter storich. L ie unì vijità la "cesa del Faure" cun si afrësc del 1500, la "cesa del dazie" y l albierch "Agnello", un di plu vedli dla valeda, testemon dla prima fases dl turism.
Nteressanta nce la dlieja de San Felip y Giacum, cun si ciampanil y chël che resta di biei afrësc del 1400.
L'atività dla grupa FAI
La grupa FAI de Fascia y de Flëm à n 100 cumëmbri y per l'ucajion iel nce unì abinà adum dunfiertes per pudëi purté inant si proiec per derturé su y valorisé l patrimone artistich local.