Inò daviert per n ann particuler

Do trëi mënsc cun i ujes śarei, à l Museo ladin de Fascia inò pudù giaurì per l publich. Zënza turisć vën l'atività fata per la jënt da tlo.

Cun la tlassificazion dl Trentin coche raion ghiel à nce i museums inò pudù giaurì si portes.
Per l Museo Ladin de Fascia ie l 2021 n ann de gran mpurtanza, te chël che l museum cumplësc 20 ani de atività. N travert che unirà festejà cun ativiteies  y avenimënc. 

Ativiteies per la jënt dl post

Trëi mënsc ie l museum restà stlut, ma i proiec ie mpo jic inant, pensan dantaldut ala jënt dla valeda. Nce per la scoles an pensà a vel atività nueva, ajache la vijites ne fova ntan i mënsc passei nia mesun fé.

L ann dl iubileum

L Museo ladin de Fascia à urmei na gran tradizion y à aldidancuei cin sezions te duta la valeda: la sia ta Penia, l stont de Ciampedel, l malghier a Pera e l segat a Poza. A chisc se taca ite l Museo de la gran vera a Moena, sënta no amò definitiva. Chëstes sarà la protagonistes dla scumenciadives particuleres per i 20 ani dl museum.