Enciaria ofiziala al miscionar Stefano Trevisan
Ensëra á siur Stefano Trevisan ciafé ofizialmonter l'enciaria da jí tles misciuns dl'Africa.
La mëssa, pa chëra che siur Stefano Trevisan á ciafé dal vësco Ivo Muser la crusc miscionara y ensciö le mandat da jí tles misciuns, é gnüda tignida tla sonta dla comunité provinziala dai combonians, tla dlijia Sant Ujöp Freinademetz a Milland.
Ai 28 de jügn dl ann passé é Stefano Trevisan gnü consacré preo tal dom da Porsenú, ai 5 de messé él sté la mëssa noela a Al Plan de Mareo, y do na preparaziun tl Irland vëgnera sën da s'arjigné ca por le Sudan.
Deplü les scincundes significatives co ti é gnüdes sorandades al miscionar jonn por l'acompagné sön so iade tl'Africa.