Trail
13 Auril 2021 Ajorné da les 16:58
Cronaca

AstraZeneca mé plu per persones sëura i 60 ani

La Talia ne uel nia plu ti dé l serum de AstraZeneca a persones sota i 60 ani. Nce l Sudtirol se tenirà a chësta desposizion.

La dezijion ie unida tëuta dal cumité scientifich-scientifich, à fat al savëi l minister per la sanità Roberto Speranza.
L serum unirà inant adurvà pra la dlaveies a persones che à plu de 60 ani.
 
La dlavea joa deplù dl dann che la fej
 
Chësta dezijion ie unida tëuta do che l’autorità europeica per la medejines EMA ie ruveda ala contlujion, che l pudëssa vester n liam danter l serum per la dlavea de AstraZeneca y caji reres de tromboses pra chi che à fat la dlavea.

Te na cunferënza per i media à i esperc dla EMA detlarà che l ie caji singuli dantaldut pra ëiles sota i 60 ani te n tëmp nchin a doi enes do la dlavea. Ma l raport danter risia y benefizies dla dlavea ie inant positif, nsci la EMA.
 
Dlaveies nce tla mprejes
 
Tl daunì puderà la mprejes dla Talia ti lascé fé la dlavea a si dependënc te si sëntes. Chësc ie unì dat pro n mierculdi dal minister per la sanità . La mprejes nteressedes muessa ti fé na comunicazion al’Azienda sanitera cun la cumpëida de dependënc che uel fé la dlavea.

					

Al podess ince te interessé…


					
						

De autri video Cronaca