De gra de dut, Armin
L ie la nutizia che n ne ulëssa mei dé. N mierculdi sëira iel unì a mancé a gauja de na burta malatia tl’età de 55 ani nosc stimà colegh Armin Moroder de Urtijëi.
Armin à laurà coche jurnalist per la redaziun de Rai Ladinia dal nuvëmber dl 2013 incà, canche l ie unì tëut su cun la ntroduzion dla segonda edizion de Trail dala 10.
Dant al laurà per passa 30 ani alalongia per Radio Gherdëina y à nce laurà cun la Usc di Ladins y per la comunicazions dl Aiut Alpin Dolomites.
Dal prim di inant al dat n cuntribut de gran valor a nosc lëur redazionel, lauran cun gran mutivazion y pascion y cun la legrëza de fé l mestier da jurnalist, che l à sapù da ti dé inant a duc nëus tla Rai y nce ai spetadëures y ascutadëures da cësa.
Armin fova na funtana de ideies, chirova l cuntat cun la jënt y ova for n gran entusiasm a crì nutizies y fac nueves y uriginei de si valeda y nce te duta la Ladinia.
Cun si simpatia y carater daviert y ligherzin, fovl cunesciù lonc y lerch y bënulù da duc.
Armin ne schivova nia l lëur y nce ti tëmps plu dures dla pandemia Corona, ne se al nia trat zruch, purtan reporc uni di da Gherdëina canche duc fova a cësa n lockdown.
Grant ie nce stat si nteres per l sport, che l à nce pudù dé inant, tulan pert sciche redadëur a evënc sportives de mpurtanza, sciche i juesc olimpics a Pyeongchang o i campionac mundiei t’Ampëz y sambën nce la garejedes de Copa dl mond te nosta valedes.
On perdù n gran colegh y cumpani.
Da pert dla redazion ladina dla Rai ma nce de duta la Rai da Bulsan la cundulianzes plu sentides a si fëna y si familia.
La supeltura de Armin Moroder sarà n sada 3 de lugio dala 14.30 a Urtijëi. L vën vedlà n juebia y vënderdi dala 8 da sëira te dlieja de Urtijëi.
Paussa tla pesc Armin.
Dant al laurà per passa 30 ani alalongia per Radio Gherdëina y à nce laurà cun la Usc di Ladins y per la comunicazions dl Aiut Alpin Dolomites.
Dal prim di inant al dat n cuntribut de gran valor a nosc lëur redazionel, lauran cun gran mutivazion y pascion y cun la legrëza de fé l mestier da jurnalist, che l à sapù da ti dé inant a duc nëus tla Rai y nce ai spetadëures y ascutadëures da cësa.
Armin fova na funtana de ideies, chirova l cuntat cun la jënt y ova for n gran entusiasm a crì nutizies y fac nueves y uriginei de si valeda y nce te duta la Ladinia.
Cun si simpatia y carater daviert y ligherzin, fovl cunesciù lonc y lerch y bënulù da duc.
Armin ne schivova nia l lëur y nce ti tëmps plu dures dla pandemia Corona, ne se al nia trat zruch, purtan reporc uni di da Gherdëina canche duc fova a cësa n lockdown.
Grant ie nce stat si nteres per l sport, che l à nce pudù dé inant, tulan pert sciche redadëur a evënc sportives de mpurtanza, sciche i juesc olimpics a Pyeongchang o i campionac mundiei t’Ampëz y sambën nce la garejedes de Copa dl mond te nosta valedes.
On perdù n gran colegh y cumpani.
Da pert dla redazion ladina dla Rai ma nce de duta la Rai da Bulsan la cundulianzes plu sentides a si fëna y si familia.
La supeltura de Armin Moroder sarà n sada 3 de lugio dala 14.30 a Urtijëi. L vën vedlà n juebia y vënderdi dala 8 da sëira te dlieja de Urtijëi.
Paussa tla pesc Armin.