Cumià do 47 ani
Mansueto Siorpaes ie stat per trueps ani alalongia ost sun la utia Nuvolau tla Dolomites ampezanes. Śën al dat ju la gestion y chësc ie per ël l prim instà che l ne passa nia su alauta.
La utia sun l Nuvolau ie unida inaugureda l ann 1883. L fova la prima utia d'Ampëz, la “Sachsendankhütte”, che ie pona sota la Talia unida batejeda “Rifugio Nuvolau”.
Tlo, cun na ududa maestosa sun creps y montes ntëurvia, ie Mansueto Siorpaes stat 47 ani alalongia ost.
Mansueto tol cumià
Perdrët fossl gën mo restà nfin ai 50 ani, ma śën, cun la pandemia y cun la regules anti-Covid da tenì ite, ne ti al ala fin nia desplajù plu che n tant a se n jì.
N drë “rifugio”, coche chëi da ntlëuta
La utia atuela dl CAI ie unida fata su l ann 1930. Mansueto Siorpaes l’à sëurantëuta l ann 1973. L ie for restà na utia ala vedla, autentica, resteda per trueps ani zënza ega, zënza lum, zënza gas – zënza comoditeies. Permò l ann 2010 iel unì fat la cundota dal’ega nueva, cun pumpa telecomandeda dal fonin.
Na gran fadia, ma nce na gran sodesfazion
La utia ie suinsom n crëp, mpo iel urmei saurì ruvé su. Na sentadoia ruva nfin pra la Penes de Naerou – Cinque Torri. Y mëina su alpinisć y nce turisć caprizieusc.
“Mort n papa se n fejen n auter”
Te duc i ani ie Mansueto Siorpaes deventà na vëira istituzion, pratan lianies y custeman i senieures. Ma śën ie per ël ruvà l mumënt de tò cumià.
Tlo, cun na ududa maestosa sun creps y montes ntëurvia, ie Mansueto Siorpaes stat 47 ani alalongia ost.
Mansueto tol cumià
Perdrët fossl gën mo restà nfin ai 50 ani, ma śën, cun la pandemia y cun la regules anti-Covid da tenì ite, ne ti al ala fin nia desplajù plu che n tant a se n jì.
N drë “rifugio”, coche chëi da ntlëuta
La utia atuela dl CAI ie unida fata su l ann 1930. Mansueto Siorpaes l’à sëurantëuta l ann 1973. L ie for restà na utia ala vedla, autentica, resteda per trueps ani zënza ega, zënza lum, zënza gas – zënza comoditeies. Permò l ann 2010 iel unì fat la cundota dal’ega nueva, cun pumpa telecomandeda dal fonin.
Na gran fadia, ma nce na gran sodesfazion
La utia ie suinsom n crëp, mpo iel urmei saurì ruvé su. Na sentadoia ruva nfin pra la Penes de Naerou – Cinque Torri. Y mëina su alpinisć y nce turisć caprizieusc.
“Mort n papa se n fejen n auter”
Te duc i ani ie Mansueto Siorpaes deventà na vëira istituzion, pratan lianies y custeman i senieures. Ma śën ie per ël ruvà l mumënt de tò cumià.