I sozialdemocrac cun Olaf Scholz à venciù la veles
Ti Paesc Tudësc iel stat veles. Sën scumëncia n capitul nuef tl guviern do i 16 ani dl’era Merkel.
Stluta ju ie la cumpëida dla stimes: I sozialdemocrac de Olaf Scholz ie danora. La CDU a perdu. Sen se gëura l mumënt zite dla consultazions per l guviern nuef cun Scholz che cëla de viers di Verc y di liberai.
Cun l 25,7% dla stimes ie la SPD l prim partit. I conservatives dla CDU CSU ie segondi cun l 24,1%. Terzi i Vërc cun l 14,8% cun i liberai che vën do cun l 11,5%.
“I litadëures à dat na ncëria tlera – trëi ie i partic che à metu prò y che toca perchël da ji al guviern”, a dit Scholz, “i Vërc, la SPD y i Liberai”.
I Vërc à senialà de vester a una. La CDU che à perdù tla veles rata ntant de vester mpomo bona de mëter su na maiuranza.
Ma la streda per na coalizion nueva pudëssa mo vester longia.
Scholz à dit de speré te n guviern nuef mo dan Nadel. N cont dl’Europa àl dit che “deguni ne daussa cialé de dominé la Union Europeica. L ie debujën de na bona cunlaurazion danter nord y sud, est y vest cun la Union Europeica che toca da crëscer adum”.
Cun l 25,7% dla stimes ie la SPD l prim partit. I conservatives dla CDU CSU ie segondi cun l 24,1%. Terzi i Vërc cun l 14,8% cun i liberai che vën do cun l 11,5%.
“I litadëures à dat na ncëria tlera – trëi ie i partic che à metu prò y che toca perchël da ji al guviern”, a dit Scholz, “i Vërc, la SPD y i Liberai”.
I Vërc à senialà de vester a una. La CDU che à perdù tla veles rata ntant de vester mpomo bona de mëter su na maiuranza.
Ma la streda per na coalizion nueva pudëssa mo vester longia.
Scholz à dit de speré te n guviern nuef mo dan Nadel. N cont dl’Europa àl dit che “deguni ne daussa cialé de dominé la Union Europeica. L ie debujën de na bona cunlaurazion danter nord y sud, est y vest cun la Union Europeica che toca da crëscer adum”.