Trail
19 Otober 2021 Ajorné da les 20:17
Turism

L mplant Sodlijia fat su da nuef

Dal mumënt che la sajon da d’inviern 2020/2021 ne à nia pudù mëter man iel unì scumencià a lauré pra l mplant Sodlijia bele ai 10 de merz y l ie udù dant che dut sarà finà ai 22 de nuvëmber.
de Mara Miribung

Deplu lëures iel uni fat pra tramedoi stazions che à messù unì ngrandides per fé lerch al lift nuef. L lift da dant, na sentadoia da cater, ova 30 ani. L ie unì sostituì cun na sentadoia cun sesli da ot.
Nueves ie n local per la pumpes, n magasin per i sesli, n magasin per i canons, na garage per i giac cun binda, n local per la manutenzion di canons y dl mplant da fé nëif y n local per la destribuzion di carburanc.
Chisc dis iel nce unì metù su la corda che po’ traspurté 3.600 persones al’ëura. I nvestimënc ie de 7,8 milions de euro per l mplant nuef. Sëuraprò vëniel spendù 800 mile euro per ressané l mplant da fé nëif y cater milions de euro per i locai sota tiëra.
 
 

					

Al podess ince te interessé…


					
						

De autri video Turism