Trail
19 Otober 2021 Ajorné da les 20:17
Sozieté

Segra Sacun - con limitaziuns

A Urtijëi él gnü tigní (ennier lönesc) le maiú marcé dl ann tla valada: Segra Sacun, cösc iade endere con limitaziuns porvia dla pandemia.
de Alexia Grossi

Segra Sacun tal sëgn dla pandemia: ince eniann án messü renunzié ai stonc dles lies sön le marcé. Al á mancé la musiga, ativites y ocajiuns de endünada co fajess pordërt pert dal marcé.
Na novité da eniann, te n post nia da soraodëi amesa le marcé, é sté le bus dles variores. Dantadöt dles valades ladines él ciamó massa porsones zonza variora, y cösc é n risch. Danmisdé á encër 50 porsones sfrüté l'ocajiun de se lascé fá la variora; l'aziun é jüda ennant ince domisdé.
Endöt é empó trec jüs a marcé, trec endô i stonc co pita n pü de döt dal guanti ai jüc, dales massaries ales mangiaries.
Mancé n'á nia i piers y les ciastegnes pratades.
Pert dal marcé fej ince le marcé dai libri de secunda man, metü a jí dales biblioteches dla valada.

					

Al podess ince te interessé…


					
						

De autri video Sozieté