Trail
19 Otober 2021 Ajorné da les 20:17
Ambient

Desferenzièda al 73 per cent ma Fascia la risia l'emergenza refudam

Bloché i trasferimenc del refudam che vanza envers la maroca de Trent o la brujadoa de Busan. Per endèna l vegn metù a mont
de Michele Carpano, imajes Hannes Depaoli, tai Ivan Todesco

Doi camion e n mont de sac: l'é l refudam nia desferenzià anché cet te Fascia. No se pel l portèr a Trent, co la maroca belche piena, e la brujadoa de Busan al moment no la é desponibola. Donca l refudam che vanza per endèna l vegn  metù a mont. Se é beleche te la emergenza

V ben la desferenzièda
Chest'an l 73 per cent del refudam l'é vegnù desferenzià. N miorament respet al passà: en pèrt a cajon de la serèdes de l'invern ma ence aldò de na maor sensibilità ambientèla; coscì spiega Stoja Deville de l'ofize igene urbana e ambientèla del Comun general de Fascia

Neva regoles
Tetrapack e cocoi no i và più tel papier e tel vierech ma i va trac te la imbaladures lejieres - i bidons brugn. N mudament per ge jir dò ai standard provinzièi. 
La comunicazion é jà ruèda a la families e la é vegnuda endrezèda a na vida grafica sorida da entener per duc. Con ence n qr code sui bidons che mana al nef portal dedicà a l'ambient

Fassambiente.it
N portal endrezà per meter a luster duc i projec ambientai porté inant dal CGF. Per endèna sul portal se troa demò la informazions sul refudam con ence la possibilità de desciarièr i kit de comunicazion- la tabeles de informazion - te 5 lengac desferenc.

I dac
Te Fascia tras l Comun General vegn trat de mez vigni an 10 mile tonelèdes de refudam. 3 mile les va te maroca e l rest desferenzià. L costiment l'é de zirca n milion e mez de euro (demò la pèrt de chela che se cruzia l CGF)

L sparagn
Vigni an vegn sparagnà 150 mile euro de gra al paament del materièl da reziclèr fat da la firmes. Na zifra che pel crescer aldò del crescer de la regoeta desferenzièda e de sia calità

					

Al podess ince te interessé…


					
						

De autri video Ambient