Diesc agn vësco Ivo Muser

A Porsenú gnêl festejé incö ai 9 d’otober: dan da avisa 10 agn é Ivo Muser gnü consacré vësco dla diozeja Balsan Porsenú

Ivo Muser é a ce dla dlijia da diesc agn incá sciöche vësco dla diozeja de Balsan Porsenú. La beatificaziun de Josef Mayr Nusser y la sinoda diozejana é danter i momënc plü importanc che le vësco á alzé fora en ocajiun di diesc agn de süa consacraziun.

Indere bele inlaôta, canche al á tut sö l'inciaria, ê la dlijia dan da de gran desfides y aldedaincö é les dificoltes aumentades ciamó deplü dij le vësco.