Trail
06 Dezember 2021 Ajorné da les 12:40
Cronaca

“Na situazion da desplajëi”

Danter i 20 chemuns “cueceni” cun restrizions sëurapro iel la majera pert dl raion de Gherdëina.
de Alexia Grossi

Cun n mierculdi va n forza la urdenanza provinziela nueva che vëija dant restrizions sëurapro ti chemuns ulache l ie plu caji de nfezion. Tla lista di 20 chemuns cueceni iel Urtijëi y Santa Cristina, ma nce Ciastel y Laion, uel di gran pert dl raion dla valeda de Gherdëina. Ezezion fej Sëlva che à da mustré su na inzidënza plu bassa sun i set dis: de 116 cun degun cajo nuef de nfezion.
La situazion ie da desplajëi: la ustaria messerà zaré dala 6 y dala 8 dassëira inant ne saràl nia plu cunsenti ji ora de cësa. Sëurapro tumerà tl’ega duta la manifestazions y proes dla lies. A Urtijëi iel atualmënter 88 caji de nfezion.
A Santa Cristina iel 30 nfezions atives. Perdrët ne se aspitoven a Santa Cristina nia de ruvé tla lista di chemuns cueceni.
Tl chemun de Ciastel, pra chël che toca la frazions ladines, ie la nfezions atives bën 108.
 

					

Al podess ince te interessé…


					
						

De autri video Cronaca