Trail
06 Dezember 2021 Ajorné da les 12:40
Scienza y Tecnologia

Ambra dles Dolomites: testimone dla storia dal planet

Al é por la paleontologia l'or de chi mers co é encö les Dolomites: ambra ciafada sön reperc de tomps dalunc, dan da plü de 230 miliuns d'agn: tomps co cunta la storia de nosc planet.
de Mateo Taibon

Al é enrescides scientifiches sön fostüs pici o ince minims, de val'milimetri o ince ma n milimter, desco chi ciafes tal raiun de Piz da Peres: minerai con lassora na picia tacia corú or: ambra. Les taces d'ambra vën a löm bel con rais ultraviolec y contën socrec dla storia dla tera: gonot slpüj les gotes de ambra ete fossii, ensciö dá ambra n cader dla situaziun tlimatica dan da trec miliuns d'agn.
Ambra, gonot adorada por belijies, é larié fossilisé tres la sedimentaziun tal mer y tres la presciun con temperatöers altes. Cösc larié á n pert slüt ete por miliuns d'agn ince fostüs dla vita. I lëns á peté fora larié deache ai ea stresses. Ci co é encö les Dolmites ea dan da plü de 230 miliuns d'agn mer y ijoles dampró dal ecuator. L'ambra documentëia na perioda dla storia dal planet con de gran müdaziuns dal tlima y dla biodiversité. Por enrescides é les Dolomites dër aprijades, deache tles Dolomites pón daté valgamia avisa i reperc, y dales Dolomites pón fá contlujiuns ince por i atri continënc.

					

Al podess ince te interessé…


					
						

De autri video Scienza y Tecnologia