Trail
06 Dezember 2021 Ajorné da les 12:40
Sport

L "countdown" ie pià via, danter melsegurëzes y otimism

L ne mancia nianca plu n mëns a canche la Ladinia ti fajerà inò da paladina ala Copa dl mond de schi alpin. I doi avenimënc sportifs ie unic prejentei a Bulsan.
de Jasmin Ferdigg

Bele l ann passà ne iel nia stat saurì a mëter a jì la garejedes de Copa dl mond de schi, che ie unides a se l dé zënza publich. Y nce chëst'ann iesun ala zibla, te na situazion melsegura.
Nchinamo ie l publich lascià pro, ma n ne sa nia na drëta, y chësc bonamënter nchin al ultim mumënt.

Sun la Saslong Super-G y libra

N iede ti tochela ala Saslong: ai 17 de dezëmber cun l Super-G, l di do, ai 18 pona la libra. La chertes vën bele vendudes. Cun la limitazions iel lerch per 7.500 spetadëures. La Saslong nstëssa dëssa tosc vester njinieda a puntin, cun la speranza che l tëmp jude.  

Doi slaloms lerc sun la Gran Risa
 
Ai 19 y ai 20 de dezëmber vala inant sun la Gran Risa. Chëst'ann cun doi garejedes de slalom lerch. L proiet dl paralel resta per l segondo iede ndolauter chiet. 
Chertes per la Gran Risa ne an mo vendù degunes, permò ala fin dl mëns saral mesun les cumpré. Lerch iel per plu o manco 800 persones. Y nce la Gran Risa dëssa tosc se furnì cun si mantel blanch. Nce de gra al sistem nuef de snow management. 

Pië via da nuef

Ntan la prejentazion, iel unì trasmetù n gran otimism. Sibe te Gherdëina che tla Val Badia dëssa i avenimënc sportifs vester tl sëni de n "restart", de pië inò via da nuef.
Sce cun o zënza publich, sarà pona da udëi. 

					

Al podess ince te interessé…


					
						

De autri video Sport