Trail
22 Jené 2022 Ajorné da les 09:10
Sport

Delago Sisters

La atletes „azzurre“ spezialisades tles disciplines asveltes s’alenëia chisc dis sön les pistes dal ju de San Pelegrin. Lapró é ince les sorus Nadia y Nicol Delago.
de Alexia Grossi

L’obietif de entrames te cösta sajun é la partezipaziun ai jüc olimpics a Peching. Y ch’ares é n form a á les sorus Delago belo demostré tla copa dal monn: Nicol Delago con n otavo plazamont tla libera de Lake Louise y Nadia Delago con n sesto plazamont a Lake Louise y n otavo plazamont tla Val d'Isère.
Podëi s’alené chisc dis sön le ju de San Pelegrin, nia dalunc da ciasa, é na sauridanza.
Sön la pista Volata dal ju de San Pelegrin él l’ann passé gnü metü a jí por le pröm iade gares de copa dal monn, lapró é stada, con de bogn resultac, ince Nadia Delago.
Nicol Delago endere n’á l'ann passé nia plü podü garejé do na ferida al rencëi sozedüda dertan l’alenamont. Sën é Nicol endô n forma y se conzentrëia atualmonter sön les gares de copa dal monn. 
Chisc dis s’alenëia sön San Pelegrin ince Sofia Goggia, campionëssa olimpica y portabandira pai jüc olimpics a Peching dai 4 ai 20 de forá. 

					

Al podess ince te interessé…


					
						

De autri video Sport