Normes nia uniteres dl pass vërt y cosc auc dl‘energia

L turism, si daunì y si bujëns ie stac argumënt zentrel dla vijita ufiziela dl minister per l turism Massimo Garavaglia sun Plan de Corones.

L minister Massimo Garavaglia à respundù al nvit de Plan de Corones y dl Dolomiti Superski. Cun l presidënt Kompatscher y i rapresentanc di setores dl turism àl fat bilanz dl tëmp de deficultà y cialà ala prospetives per l daunì.
N ntervënt al plu prësc vëniel damandà n previjion di prim de fauré canche l jirà ndrova la normes nueves per l pass vërt tla Talia. L ven damandà regules valives per duta l’Europa.
Autra cuestion ie l’energia for plu cëra per fé jì inant dut l setor dl sport da d’inviern.
L turism à da vester sustenibl, à dit l minister Garavaglia. L à lecurdà i fonds dl recovery plan y i aiuc dl guviern tl lockdown: 430 milions ai mplanc y 800 milions a dut l setor dl turism.