Alex Vinatzer ie njinià per i juesc olimpics

L slalom a Schladming fova l’ultima garejeda de Copa dl mond per n mëns. Śën vala de se cunzentré sun i juesc olimpics.

Alex Vinatzer sarà l sëul atlet ladin tla garejeda de slalom a Beijing. Si cuinto post a Schladming dà speranza a duta la scuadra azzurra. Y a d'ël nstës truepa crëta per la garejeda plu  mpurtanta dl inviern.

Mölgg y Gross nia leprò

L 20ejim plazamënt de Manfred Mölgg ne fova nia assé per la cualificazion ai juesc olimpics. Nianca leprò ie Stefano Gross, tumà ora tla segonda manche dl ultim slalom dan Beijing.

Vel di de paussa y po inant

Śën iel per Alex Vinatzer vel di de paussa a cësa, pona meterà man i alenamënc per la garejeda olimpica y tosc saral bele da pië via per la Cina.

I 7 azzurri cherdei ai juesc olimpics tla disciplina schi alpin ie Domink Paris, Christof Innerhofer, Alex Viantzer, Tommaso Sala, Matteo Marsaglia, Luca de Aliprandini y Giuliano Razzoli.