Trail
22 Jené 2022 Ajorné da les 09:10
Sport

​Doi atlec ladins de snowboard pra i juesc olimpics, o mpomo nia?

Tla scuadra taliana de snowboard alpin dassova bele tumé la dezijion sun l cuartet che possa fé pea i juesc olimpics. Ma śën che l tuchëssa da unì cherdà n segondo atlet ladin, ne san nia sce la regules vel mo.
de A.Stuffer

Roland Fischnaller ie n vënderdi domesdi a Simonhöhe per l segondo iede danter i prim trëi y ie perchël segur per i juesc olimpics. Edwin Coratti ne à nia fat pea ajache l se à tacà l virus, ma si terzo post sun Ciareja ie si cherta de ntreda per i juesc de Beijin.

Danora fovel te naziunela taliana unì dit che i criteries per fé pea i juesc ie n iede n plazamënt ti prim trëi te copa dl mond y pona la tlassifica de copa dl mond slalom lerch, ajache a Beijing saral tl snowboard alpin me una garejeda.
Te chësta tlassifica ie Mirko Felicetti da Moena miëur talian. Si cherdeda ie tan segura che n vënderdi ne al nianca fat pea la garejeda per precauzion dal virus.

L proscim atlet talian te tlassifica che ne ie nia bele cualificà, ie Daniele Bagozza de Urtijëi. Sun l papier fossa ël l cuarto atlet olimpich.

Ma davia che Aaron March à n vënderdi fat n cuinto plazamënt ne iel da sëira nia segur sce i criteires dla FISI vel mo o no. L diretëur tecnich Cesare Pisoni à detlarà a nosta redazion che l uel vester nchin a cater dis per to na dezijion. Bagozza che ie a cësa cun n test positiv, ma zënza sintomes, ne ti resta auter che aspité y sperè.

					

Al podess ince te interessé…


					
						

De autri video Sport