​Co che Alex Vinatzer ie madurì per ji a Beijing

Dan cater ani fovel i prim juesc olimpics per l atlet ladin dl schi y ntant iel madurì de uni vieres, nscì che l possa śën fé pea cun de gran obietives. – N portret olimpich.

Al mascim livel mundiel de slalom ie i miëures duc tan dassën boni che la se trata me plu de piculëzes per vester dancà. Tl portret de Trail spiega Vinatzer ciuna piculëza che ie da si pert per pudëi fe la defrënzia.

Canche n atlet à n tel podenzial de ruvé dancà, ne basta me l fé pea i juesc olimpics nia plu. Si obietif ie na bedaia.

Che l atlet de Sëlva à la carateristiches per ruvé su plu al’auta di autri al demustrà curt dan l inviern canche l ie jit l prim iede te si vita a crëp. Per ruvé su tl olimp di atlec da bedaia, iel anjenià n cont de forma y n cont de cë.