Trail
28 Mei 2022 Ajorné da les 09:50
Ert y Cultura

La gramatica de Marco Forni

Le lingaz ladin é chisc dis protagonist a Roma: tla sonta dla Società Dante Alighieri él gnü presenté la gramatica dal Ladin Gherdëina de Marco Forni.
de Alexia Grossi

Degün dai 6-7 mile lingac de cösc monn n'é zonza gramatica, mo ma por val cionc nen él gnü scrit öna. Pa cöstes alda ince le ladin. Ia do la gramatica de Marco Forni tla forma stampada y sën ince online él n laur de agn co se iera savëi linguistich y sensibilité. Cösc laur é gnü reconesciü dan da val' dis ince a Roma tla Società Dante Alighieri te na sëra culturala.
Vigne lingaz é demorvëia, á dit Marco Forni. Podëi presenté söa gramatica a Roma tla Società Dante Alighieri é por ël sté la demostraziun dla richëza dai plü lingac co é tla Talia y che chisc vën reconesciüs ince a livel plü alt.
Luca Serianni, önn dai maius linguisć dla Talia y vizepresidënt dla Società Dante Alighieri, á alzé fora l'emportanza dl'opera de Marco Forni sii por chi co baia ladin co ince pro la comunanza scientifica. Marco Forni é ince gnü envié a tigní na leziun de ladin tla Università La Sapienza desco pert dl curs de introduziun al lingaz dal professur Paolo di Giovine.
Gramatica, dizionar, curs de ladin: i strumonc linguistics dl Istitut ladin Micurà de Rü é düc ince online con le vantaje dl ajornamont tresfora y de sauridanzes tla consultaziun.
 

					

Al podess ince te interessé…


					
						

De autri video Ert y Cultura