Trail
28 Mei 2022 Ajorné da les 09:50
Ambient

Vita da utia da mont olache vigni lus vel dir fadia

Fèr cognoscer l senester che é tel gestir na utia da mont per sensibilisèr i ghesc al respet di lesc e a chel che i partegn da gestores e strutures. Campagna de comunicazion Dolomiti Unesco portèda dant al Filmfestival de Trent
de Linda Stromma/ Michele Carpano

Co portèr l magnèr, olà troèr l'èga. L'é i temes di curic filmac endrezé da la fondazion Dolomites Unesco per fèr entener a la jent che che vel dir gestir na utia da mont. Na campagna de comunicazion prejentèda delaite del Trento film festival

L compromis
La cordanza anter i neves besegnes di ghesc/alpinisc e les posibilitèdes di lesc (desferentes per vigni utia da mont) no la é sorida da troèr. Desche sul magnèr.
Apede ai problemes alimentères la jent partegn semper de più zenza entener la fadia che vel dir portèr sa mont chel che do vegn metù te piat. Soraldut olache no se rua con mesi a motor.
 
La campagna de comunicazion
Per la Fondazion l'é emportant valorizèr la uties da mont e si gestores: vèrdies de la mont gé vegnù dit. I prumes a responer a la domanes de la jent e la emergenzes. La pruma persones chiamèdes a stravardèr l patrimonie naturèl e culturèl, metù a risech da la neva moda de viver la mont


					

Al podess ince te interessé…


					
						

De autri video Ambient