Ert che recunësc i sënies di tëmpes
A Bulsan iel unì sëurandat l pest n lecort dl vëscul Josef Gargitter. I premiei ie i artisć Lois Anvidalfarei y Roberta Dapunt de Ciaminades tla Val Badia.
La pesc, la iustizia, l mantenimënt dl crià y nia per ultim la cunvivënza danter grupes de rujeneda: uni trëi ani premieia l forum catolich deberieda cun la consulta diozejana persunaliteies che se dà da fé a na maniera ezezionela per chisc fins.
L pest Josef Gargitter tla Ladinia
Chëst'iede iel per l prim iede unì premià cun l pest n lecort dl vëscul Josef Gargitter n per de artisć: la scritëura Roberta Dapunt y l scultëur Lois Anvidalfarei.
Ana y corp, spirt y materia. Aldò dla giuria ie l'ert de Dapunt y Anvidalfarei n ncurajamënt per la dlieja a se destaché da si vedla ostilità de viers dla corporalità.
Per i artisć ie l pest n recunescimënt mpurtant
Lois Anvidalfarei y Roberta Dapunt ie tramedoi nasciui tla Val Badia y do ani ora per l mond iesi ruvei zruch: i viv y lëura a Ciaminades. Roberta scrij. La publichea cun cëses editëures renumedes per l plu per talian. Lois ie scultëur l modeleia y depënj. Tla ert de tramedoi vala dl vester persona cun si forzes y deblëzes.
Provocazion y reflescion sun i sënies dl tëmp
L'ert de Roberta Dapunt y Lois Anvidalfarei ne uel nia mé plajëi, la uel nce provoché y la mostra nce su te na maniera segura cie che ie fertuna, cie che ie miseria te nosc tëmpes. Capì y udëi ite i sënies di tëmpes fova nce una dla ghiranzes dl vëscul Gargitter. La giuria dl pest se à te si dezijion lascià avisé da chësc nvit.
L pest Josef Gargitter tla Ladinia
Chëst'iede iel per l prim iede unì premià cun l pest n lecort dl vëscul Josef Gargitter n per de artisć: la scritëura Roberta Dapunt y l scultëur Lois Anvidalfarei.
Ana y corp, spirt y materia. Aldò dla giuria ie l'ert de Dapunt y Anvidalfarei n ncurajamënt per la dlieja a se destaché da si vedla ostilità de viers dla corporalità.
Per i artisć ie l pest n recunescimënt mpurtant
Lois Anvidalfarei y Roberta Dapunt ie tramedoi nasciui tla Val Badia y do ani ora per l mond iesi ruvei zruch: i viv y lëura a Ciaminades. Roberta scrij. La publichea cun cëses editëures renumedes per l plu per talian. Lois ie scultëur l modeleia y depënj. Tla ert de tramedoi vala dl vester persona cun si forzes y deblëzes.
Provocazion y reflescion sun i sënies dl tëmp
L'ert de Roberta Dapunt y Lois Anvidalfarei ne uel nia mé plajëi, la uel nce provoché y la mostra nce su te na maniera segura cie che ie fertuna, cie che ie miseria te nosc tëmpes. Capì y udëi ite i sënies di tëmpes fova nce una dla ghiranzes dl vëscul Gargitter. La giuria dl pest se à te si dezijion lascià avisé da chësc nvit.