Trail
04 Messel 2022 Ajorné da les 16:10
Ert y Cultura

Cortina d'Ampëz leterara

A Cortina d'Anpëz nascel na scomenciadia nea: la rassegna leterara co mët a löm i aturus leterars de maiú prestisc a livel internazional.
de Margherita Detomas

Ara n'á nia ma da pité söes belezes dolomitiches, da plü de 20 agn encá é Cortina d'Ampëz ince al zënter de evënc culturai y leterars co abina adöm, d'isté y d'invern, i gran ennoms d'aldedancö.
Da plü de n secul encá é Ampëz n post d'atraziun de personalites dla cultura, dal jornalism, dla politica, desche les operes tla botega de libri storica Sovilla mostra.
Trec auturs nes á lascé söes impresciuns te scric, romans, films de gran resonn. Desche Frandesco Chiamulera spliga, gnarál metü sö plü de 20 totems con zitaziuns de de gran auturs y spligaziuns. Sön chisc placac sarál tesć con descriziuns dai auturs y n QR-Code por aprofondimonc.
Danter i trec co é roes a Cortina d'Ampëz y á scrit de Cortina vën recordes la scrituria y viagiadëssa Amelia Edwards, spo Ernest Hemingway, roé alerch tai agn 20 y spo tai agn 50, co á scrit na contia sön l'Ampezan, Edward Forster, o Guido Piovene, Indro Montanelli y sü iadi te bosch, Vladimir Nabokov, autur ince dles morvëies dles Dolomites. Recordé vën ince Eugenio Montale co á scrit n poem sön le Le de Sorapis, Dino Buzzati, apascioné dai crëps, Mario Rigoni Stern, lié da dagnora encá a Cortina. Al röa pormez ince personaji dal chino. I tesć dai placac sará por tlaian, inglesc y ince por ladin. 

					

Al podess ince te interessé…


					
						

De autri video Ert y Cultura