Trail
15 Agost 2022 Ajorné da les 15:50
Politica y Istituzions

Sis comuns ladins tla lista di afic plü alc dl Südtirol

La Junta provinziala s'á dé jö incö cun la situaziun dl abité tla Provinzia de Balsan, dantadöt cun la problematica da ciafé abitaziuns te Comuns cun afic dër alc. Cun novités ince por i comuns ladins.

La strategia dla Junta é chëra da alzé la cuta comunala söi imobili "GIS/IMI" da 2,5 a 3,5 porcënt por abitaziuns ötes y por grunc da fabriché nia anuzá te Comuns cun na gran mancianza de abitaziuns. Chi che afitëia ia dess ciafé alisiraziuns. La Junta provinziala á stabilí pur intant te ci Comuns che l'regolamënt nü dess gni atué. Insciö gnarál alzé la cuta IMI te chi Comuns, olache i afic é dl 20 porcënt plü alc co tla mesaria provinziala. I comuns interessá é dötaurela 21, danter chisc prësc düc i Comuns ladins cun Sëlva, Urtijëi, Santa Cristina, Corvara, Badia y Mareo, mo ince les gran cites sciöche Balsan, Maran y Laives.

Denant co tó la dezijiun definitiva oress la Junta ciamo aldí la minunga di comuns interessá y l'arat dl Consëi di Comuns. La regola nöia dess spo jí en forza tl 2023. 

La Junta provinziala á ince tut la dezijiun da alzé le sostëgn finanziar pur les piceres impreses cun manco de 50 dependënc da 3 a 5 miliuns de euro. Por garantí n'aprovaziun asvelta dles domandes é la tomada dl termo por l'aprovaziun dles gradatöres gnüda spostada de döes edemes cina ai 15 de lugio.

					

Al podess ince te interessé…


					
						

De autri video Politica y Istituzions