Trail
01 Messel 2022 Ajorné da les 15:03
Savei y Saours

Cëna da morin a morin

L’idea de na manifestaziun sostenibla â le grup de laur dl paisc dl alpinist bele albü dan da trëi agn. Indere n’ara nia orü ester: le tëmp n’â nia fat impara, mo porchël éra en chësc ann garatada
de Jasmin Ferdigg

Cëna da morin a morin: sot a chësc titutl á le grup de laur dl paisc dl alpinist adöm ala cooperativa turistica Al Plan - San Martin orü mëte a jí na scomenciadia sostenibla tla Val di Murins a Lungiarü. Na festa tl sëgn dl’ecosostenibilité, ó dí: zënza iluminaziun artifiziala, zënza forza eletrica y zënza plastica, mo cun pestech y tais che an pó indô aduré, goti de spidl y musiga dal ví. 


Pité él gnü de vigni sort: derzades cun azënt local, da n porcel jonn arjingé ca sön n’astela dldöt creativa, a bales da erbes y da zigher, y de vigni sort de duciaries. Y por i produturs da Lungiarü, che al sides produturs de cern, mil, sofc o sulzes, o scodeles y operes de lëgn, s'ál pité l'ocajun da vëne sü produc. 


Lungiarü é n paisc cun gran influs dla vita da paur, cun cultura, tradiziuns y particolarités sciöche les viles, che caraterisëia la fraziun dl comun de San Martin de Tor. Dal 2018 incá é Lungiarü ince gnü tut ite tla rëi internazionala di paisc che porta le titul de “paisc dl alpinist”. Dô chësc titutl s’ascognel döta na filosofia, che an prô da porté inant. Insciö ince cun la manifestaziun sostenibla. 



 

					

Al podess ince te interessé…


					
						

De autri video Savei y Saours