Trail
04 Messel 2022 Ajorné da les 16:10
Cronaca

“Düc i muciadus se mirita nosta solidarieté”

En ocajiun dl de mondial di muciadus ai 20 de jügn recorda la Caritas dl Südtirol che al n’é nia muciadus de pröma o de secunda classa. Düc se mirita solidarieté
de Alexia Grossi

Les porsones che röia adalerch dal'Ucraina vir na solidarieté y n sostëgn ciamó mai odüs sides da pert de privac che da pert dles istituziuns. Por tan che chësc fejes plajëi ne dessun nia se desmentié de düc i atri. Al n'é nia profugs de pröma o de secunda classa: düc chi che sciampa da veres y persecuziuns se mirita tla medema manira solidarieté y atenziun. Chësc l'apel dla Caritas dl Südtirol cun so diretur Franz Kripp en ocajiun dl de mondial di muciadus. 

 

La situaziun atuala - tan de porsones sciöche ciamó mai sforzades da lascé süa patria

Atualmënter él incër 1.500 muciadus dal'Ucraina y ciamó d'atri 1.600 muciadus da d'atri stac, che á fat domanda d'asil tla regiun dl Trentin Südtirol. Y la cumpëda é por jí sö: a livel mondial él te chësc momënt passa cënt miliuns de porsones sforzades da lascé so daciasa. Tantes sciöche ciamó mai. 

Dantadöt tl'Africa él le risch plü acut co te d'atri stac: an fej cunt cun n aumënt de catastrofes umanitares y de conseguënza de porsones sforzades a sciampé. Conflic, veres ziviles, la pandemia, le mudamënt climatich y i prisc tres plü alc dl patüc da mangé y dl'energia, chisc é i faturs che fej cruzié le plü. 
 

					

Al podess ince te interessé…


					
						

De autri video Cronaca