Trail
01 Messel 2022 Ajorné da les 15:03
Stories y Mestiers

Gherlanda spiza

La Lia Guanc dala Gherdëina ciara da porté ennant le sëi encër la gherlanda spiza, na tradiziun y n laur ch'an ne dess nia desmuncé.
de Simon Moroder

La gherlanda spiza, portada da dötes les mitans, é sogü öna dles trohtes plü beles danter i guanc dala Gherdëina.  Por podëi fá gherlandes spizes ince tl dagní, á la Lia Guanc dala Gherdëina de Urtijëi, nasciüda dan oramai 12 agn, metü a jí n curs.
Fá na gherlanda spiza é n gran laur, an adora na gran pazionza y na man fërma. Dertan le curs ciara vignöna de porté a fin söa gherlana spiza.

Rosamunde Sorarui é öna dles püces porsones co sá ciamó da fá gherlandes spizes; por podëi comedé les gherlandes dla lia y nen fá ince de nees él emportant che le förtl vëgni dé ennant ales generaziuns co vën.
La gherlanda é fata de plü de 30 ciöfs, fëies, la piza, y döt mëss ala fin gní metü adöm tla dërta forma. N laur de plü de 100 ores. 
Le valur de na gherlanda spiaz da zacan é dër gran, an vëiga les tecniches desvalies adorades tai agn, i materiai co gnea adores aladô dla situaziun economica. Tres la Lia Guanc dala Gherdëina vir cösta tradiziun ennant, y con cösc curs garantësc la lia che les conoscionzes chersciüdes tai agn ne vai nia a perde.

					

Al podess ince te interessé…


					
						

De autri video Stories y Mestiers