Trail
15 Agost 2022 Ajorné da les 15:50
Religions

Le labirint de dlijia vedla

N labirint de meditaziun é gnü enaudé y benedí ennier domisdé a La Val: le labirint de dlijia vedla San Senese: n'idea co á messü madorí cotan d'agn danco gní realisada.
de Mateo Taibon

Con na festa dla comunité, con lapró ince musiga y scenes joblenades, él gnü enaudé y benedí
le labirint de meditaziun, ponü ete te n post particular: la dlijia vedla.  Nasciüda ea l’idea dan da cotan d'agn belo, can che an â romené sö l'areal dla dlijia vedla.
Por n labirint desco ultima staziun dal tru de meditaziun n'ea laota i tomps endere nia ciamó madüs: dan da dui agn án endô trat ca l'idea, y cösc iade l án realisada deboriada con l'espert de labirinc Gernot Candolini da Desproch. Le labirint é n stomat co á 5.000 agn de storia, söa raisc é tla mitologia dl'antichité, tlo i án dé n contenü religius: le labirint é n simbol dal tru dla vita.
Con le labirint de meditaziun án revalüté n post caraterisé da na gran forza spirituala y co á por la comunité n significat y n'emportanza.
Le valur dal labirint de mediziun é ince chël de envié al chît te nüsc tomps de prëscia.
Le labirint sön l'areal dla dlijia vedla é fleze: peres metüdes jö ia por tera: la strotöra architetonica dal monumont storich n'án ensciö nia müdé.

					

Al podess ince te interessé…


					
						

De autri video Religions