Trail
15 Agost 2022 Ajorné da les 15:50
Sport

De 1000 a sauté tres cuntredes da marueia

La Ultra Dolomites, garejeda de sauté pert dl prugram dl Lavaredo Ultra Trail, ie ncuei pieda via d’Al Plan de Mareo.

La garejeda sfadieusa ie pieda via da mesa la set daduman a Al Plan de Mareo. 
La partezipantes y i partezipanc à dan sé n percurs lonch 80 chilometri y n deslivel de 4.600 metri dan ruvé tl travert a Cortina d'Ampëz.
 
N percurs spetaculer

I zirca 1000 atletes y atlec ie sautei per Ciastlins, Cacagnares, lech de Braies, Fodara Vedla, Ra Stua, pona inant tres la Val Trevenanzes y daldò mo sul Giau y lech de Federa, dan ruvé ju a Cortina.
L miëur sun l percurs spetaculer dla Ultra Dolomites, ruveda a si terza edizion, ie stat Matteo Anselmi cun n tëmp de 8 ëura y 42 menuc.

La Ultra Dolomites fej pert dl program plu ampl de garejedes dla Lavaredo Ultra Trail. I doi percursc ruva adum a Ra Stua.
La Lavardeo Ultra Trail de 120 chilometri ie pieda via bele n vënderdi sëira.

					

Al podess ince te interessé…


					
						

De autri video Sport