Canche paroles y dessënies se anconta
Tl Lanserhaus a Eppan à l'autëura de Gherdëina Nadia Rungger nvià a na sëira leterera, tl cheder dla mostra dal titul "Corps desseniei", ulache la poejies acumpanieia i dessënies de Klaus Rungger.
Les ie lineares, cunzentredes nfin al essenziel y stersces: Nadia Rungger à prejentà n vënderdi sëira na lingia de poejies y tesć nueves, n pert tan nueves, che les ne ie nianca mo unides stampedes sun papier.
Danter i mures dl Lanserhaus a Eppan ie la paroles metudes permez ai dessënies de Klaus Rungger.
Per pere y muta iel la prima culaurazion artistica metuda ora te na mostra.
De manco ie deplù
La linies ie tleres y energiches, de manco ie te chësc cajo deplù.
L spazium y la lerch danterite, danter la linies, danter la paroles, che semea metudes iló per cajo, ma ie perdrët l frut de reflescions scialdi sotes, lascia lidëza ala nterpretazion persunela per cialé do la cultrines via, a descurì n mond nascundù.
Juesc de paroles y de rujenedes
Chël de Nadia ie n juech. Cun la paroles, ma nce cun la rujenedes. Saurì passla dal tudësch al ladin, datrai nce te una na frasa.
La mostra ntituleda "Corps desseniei" resta mo davierta nchin a n dumënia, 31 de lugio, tl Lanserhaus a Eppan. Dala 10:00 nchin la 12:00 dala 15:00 ala 19:00. La ntreda ie debant.
Danter i mures dl Lanserhaus a Eppan ie la paroles metudes permez ai dessënies de Klaus Rungger.
Per pere y muta iel la prima culaurazion artistica metuda ora te na mostra.
De manco ie deplù
La linies ie tleres y energiches, de manco ie te chësc cajo deplù.
L spazium y la lerch danterite, danter la linies, danter la paroles, che semea metudes iló per cajo, ma ie perdrët l frut de reflescions scialdi sotes, lascia lidëza ala nterpretazion persunela per cialé do la cultrines via, a descurì n mond nascundù.
Juesc de paroles y de rujenedes
Chël de Nadia ie n juech. Cun la paroles, ma nce cun la rujenedes. Saurì passla dal tudësch al ladin, datrai nce te una na frasa.
La mostra ntituleda "Corps desseniei" resta mo davierta nchin a n dumënia, 31 de lugio, tl Lanserhaus a Eppan. Dala 10:00 nchin la 12:00 dala 15:00 ala 19:00. La ntreda ie debant.