Trail
19 Agost 2022 Ajorné da les 14:35
Ert y Cultura

Adolf Vallazza ie mo atif y mostra si retrospetiva

L artist de Urtijëi che à caraterisà l svilup dla scultura de Gherdëina mostra a Niederdorf na gran vela de si opres. Chësc nianca doi mënsc dan ruvé a 98 ani.
de Alexander Stuffer

La scultura ie si vita y la scultura coche proiet ie nce l titul dla mostra che ie da puec dis davierta tla cësa Wassermann a Niederdorf. L ie na mostra retrospetiva ulache n possa udëi l‘evoluzion dla scultura de Adolf Vallazza dai lëures de mauta, bront y sanmbën de lën. Dantaprima de vedl lën. Lën che l artist à abinà te vedli luesc da paur: ti fonc, cun i sënies di cosps di bacans, o da vedli taflei. L ie lën che conta storia. Ntant ie Adolf Vallazza nstëss storia y cumplësc te nianca plu doi mënsc i 98 ani.

Pudëi udëi si scultures ie na ucajion per chiche se nteressea de ert, de scultura y dla storica seva economica de Gherdëina. Ancunté Adolf Vallazza ie mo na majera ucajion.

Adolf Vallazza ie cunesciù nchin sëura la sëides europees ora per si scultures, si totems y si stuei dala spuenda auta che ie uni metui ora te de plu mostres Guggenheim.

L artist de Gherdëina à n pert renunzià a gran ucajions tla majera ziteies ajache me a cësa val a se tò ispirazion dai crëps, dala cuntreda y dala natura.

Bele da pitl à Adof Vallazza for dessënià truep, y chël fejel mo for, - śën che per si età, schivel de sië pro i tapli de lën cun la mascin.

Si opres artistiches resta da udëi nchin ala fin de setëmber tl pitl museum dl turism a Niederdorf, nfati n’ena do che Vallazza possa cumplì i 98 ani.


					

Al podess ince te interessé…


					
						

De autri video Ert y Cultura