Trail
19 Agost 2022 Ajorné da les 14:35
Ambient

N bon ann, ma nia dlonchora

Ie pa chëst’ann n bon ann dala miel? Dé na resposta tlera che vel per duc ne ie nia saurì. L vën a dì da raion a raion.
de ag

Te Südtirol iel 3500 che fej cun l'eves: velch à chëst ann laurà miec, velch, dantaldut tl raion de Burnech, manco bën.
D'ansciuda à l'eves chëst ann fat deplù miel, plu inant tla sajon mpue de manco: "L mancia dantaldut la miel di bosc y dla flëures da mont", à spiegà l presidënt de chëi dal'eves de Südtirol, Erich Larcher.

Nce l'eves patësc la cundizions estremes 

"L ciaut y la suta ne mët nia n pericul la sëuravivënza dl'eves, ma la produzion de miel patësc: plantes che ne giata nia ega assé ne perduj nia drë stuep de flëura, de manco stuep de flëura uel dì de manco miel" nsci Larcher. "Sce l ie plu ciaut ie la eves oradechël mpeniedes a traspurté ega ti vasciei per mantenì la temperatura, nce chësc pëisa sun la produzion de miel".

L mantenimënt vën plu cër

Nce i zidlaeves sënt l'aumënt generel dla spëises. Jic su dl 30-40 percënt ie i cosć dl zucher per vejelé la eves, di goc dala miel y di trasporc.

L ann dal'eves scumëncia per solit a mez lugio. Chësc instà ie la natura de 14 dis danora. Do i 20 de juni iel te truep luesc de Südtirol stat finà cun la produzion de miel.

					

Al podess ince te interessé…


					
						

De autri video Ambient