Trail
30 Setember 2022 Ajorné da les 14:51
Sport

L HC Gherdëina vënc la prima partida dla sajon

L à scumencià la setima sajon dl campionat Alps Hockey League cun l Gherdëina che à venciù la prima partida ntan che l Cortina y l Fascia à perdù.

Prim trëi ponc dla sajon per l HC Gherdëina che à batù i Steel Wings de Linz. Tla prima partida dla sajon, tl stadio Pranives de Sëlva, ie i patrons de cësa riesc jic danora cun n gol de Matteo Luisetti do cater menuc de juech. Ma la cuncurënza à tosc valivà l resultat cun n gol de Patrick Söllinger.
Tl segondo tëmp à Max Oberrauch inò purtà l Gherdëina danora ntan che la defendura y l verdiaporta Colin Furlong ne à plu cunzedù degun goi ala cuncurënza y chësc nchin ala fin dla partida. Puech dant ti iela mo jita fata a Michael Sullmann a tré tla porta dl Linz ferman l resultat a 3 a 1.
La scuadra de Fascia à perdù per 1 a 5 contra i Red Bull Juniors de Salzburg. L sëul gol per l Fascia ie de Stefan Deluca. Perdù si prima partida dla sajon à nce l Cortina per 0 a 4 contra i slovens de Jesenice.
 
 

					

Al podess ince te interessé…


					
						

De autri video Sport