Trail
30 Setember 2022 Ajorné da les 14:51
Politica y Istituzions

​Südtirol é sté tema a New York

Tl cheder dl’incuntada generala dles Naziuns Unides a New York é l’autonomia südtiroleja gnüda presentada sciöche ejëmpl de convivënza y de defenüda dles mendranzes linguistiches.
de Cecilia Mazzel

En ocajiun dl 30ejim aniversar dla detlaraziun ONU söi dërc dles mendranzes él gnü tigní a New York na incuntada, te chëra che l’autonomia südtiroleja é gnüda nominada plü iadi sciöche ejëmpl de convivënza. “Al é sté na storia lungia y complicada, aldedaincö éra n ejëmpl de sozes por la defenüda dles mendranzes linguistiches”, á dit le presidënt dl’Austria Alexander Van der Bellen. Ince la vizeministra taliana di afars cun l’ester á definí l’autonomia dl Südtirol sciöche model por la convivënza danter i grups de lingaz desfarënc y por la soluziun de conflic.
Ala sentada á ince tut pert le presidënt dla provinzia Arno Kompatscher che á dit che la nominaziun dl Südtirol sciöche ejëmpl por la convivënza é n renforzamënt dl’autonomia a livel internazional.

					

Al podess ince te interessé…


					
						

De autri video Politica y Istituzions