Trail
30 Setember 2022 Ajorné da les 14:51
Ambient

​Manco consum de energia – manco pëis sun l ambiënt

Per l “di dla drëta energia” nfurmea la RAI ciunes che ie la pusciblteies per n mënder consum de energia che porta nce de manco emiscions per l ambiënt.
de Mateo Taibon

Sparanië energia possen nce cun de pitla mudazions scëmples, per ejëmpl:

- na luminazion te cësa cun lumes LED;
- lumes destudedes che n ne adrova per drët nia;
- fé na duscia adrova de manco ega y de manco energia che fe bani
- aparac tl standby destudei defin;
- tla sajon frëida basta n sciaudamënt a 19 gradi te cësa, per se n sté bën;
- radiadëures nia curii jù cun velch;
- lascé ite aria frëscia te cësa ie drët, ma zënza che la sfrëida ora l cuatier. Oradechël dëssa i vieresc resté stluc.
- n cuiertl sun la fana fej cuejer plu aslune y l basta mesa tan’ de energia;
- l ciaut dl furnel possa unì nuzà, l destudan vel menut dant che la spëisa sibe cueta;
- na bona manutenzion juda a adruvé manco energia. 

Dut chëśc per n bon bilan persunel y ambientel.


					

Al podess ince te interessé…


					
						

De autri video Ambient