Trail
30 Setember 2022 Ajorné da les 14:51
Spetacul

Overseas: Transart con documentaziun y ert

"Overseas" é le titul de n'istalaziun dal duo "Tò su" co é da odëi tal NOI Techpark a Balsan tal contest dal festival Transart.
de Mateo Taibon

Tlasses de scora t'ega con i stivá. Tal funz dla vasca él QR-codes, con chi ch'an vën linkes a videos co é gnüs fac dertan la pandemia: a baié él marinas co á messü sté por mënsc te so bastimont tal port a Hamburg y ne podea nia jí a ciasa: tres intervistes (te n lingaz filmich particular) vëgnel cunté la situaziun de marinas sön le mer. Cunté vëgnel ince la situaziun a ciasa dai marinas, sön les ijules dl atol dal Kiribas tal mer pazifich. Danló é le müdamont da tlima belo dër evidënt.
L'ennom Overseas cunta dal mer massa alt desco conseguënza dal müdamont dal tlima, l'istalaziun con l’ega evochëia la situaziun dramatica. 
Ales intervistes i ciaron invidualmonter con tablets co vën emprestes sön le post. Dedô i ciaron deboriada a n filmat de musiga y bal, n'espresciun artistica co fej pert dl'identité dai marinas y de so daciasa.
„Overseas“, co liëia adöm documentaziun y ert, é da odëi cina ai 22 de setëmber dales 10 danmisdé ales sis dassera. y n jöbia, les 17.30, él na conferënza publica con le duo „Tò su“.

					

Al podess ince te interessé…


					
						

De autri video Spetacul