Trail
05 Dezember 2022 Ajorné da les 17:30
Ert y Cultura

​Le “Maxi Cube” de Max Castlunger

Tratan le lockdown á Max Castlunger inventé n stromënt nü che al á dedô perfezioné y che porta l’inom de Maxi Cube.
de Mateo Taibon

Al ne é nia na cossa da vigni de da mët sön le marcé n stromënt nü: chësta idea ti é gnüda a Max Castlunger da San Martin de Tor che á realisé le “Maxi Cube”, n stromënt nasciü dal "upcycling music": dal'idea de reziclé materiai por fá strumënc aldinfora.
 
Cun plates de lëgns desvalis - alfer, fagher y bedoi - á i 4 parëis dl strumënt sonns desvalis. Implü é trëi parëis partis te döes perts. Insciö á Castlunger conzepí n strumënt scëmpl tla forma de basa y rich ti sonns.
 
Nasciüda é l’idea tratan le lockdown, tratan chël che al á fat le prototip fora de na mësa da canapé. Spo ál ciafé le sostëgn da na dita de Puster che laora lignan. La dita á daidé da elaboré y rafiné le strumënt cun massaries y mascins che le musizist ne ess nia albü.
 
Castlunger á bele fat na ligna de stromënc, le nü dess arichí le strumentar percussionist nia rich dles Alpes.
 
 

					

Al podess ince te interessé…


					
						

De autri video Ert y Cultura