Trail
05 Dezember 2022 Ajorné da les 17:30
Turism

I mëinajita, na categoria profesciunela che crësc

Tl 2018 iel te Südtirol unì metù su na categoria profesciunela nueva: chëla di mëinajita che ie rapresentei tla camera di mëinacrëp. Si portausc ie Patrick Stuflesser de Urtijëi.

Belau 500 ie i mëinajita aldidancuei te Südtirol. I acumpaniëia cun cumpetënza y savëi chiche va a pe samont: i mëinajita. Rapresentei vëni tla camera provinziela di mëinacrëp da Patrick Stuflesser: da permò iel uni recunfermà te si ncëria.
Gran pert di tliënc di mëinajita ie turisc, ma l ie nce jënt dl post che ulëssa fé na speriënza nueva. Se lascé mené da na persona cumpetënta uel di avëi n sustëni tla organisazion danora y giaté ntan la jita nfurmazions nteressantes sun la natura y cultura locala.
Y l ie na defrënzia danter mëinacrëp y mëinajita: I mëinacrëp ie spezialisei tla jites alpinistiches sun i crëpes y cun massaria aposta. I mëinajita acumpaniëia dlonch ulache n ruva a pe.
Per deventé mëinajita te Südtirol iel de ublianza de ju n ejam ala fin de cursc de formazion aposta.
 

					

Al podess ince te interessé…


					
						

De autri video Turism