Trail
05 Dezember 2022 Ajorné da les 17:30
Ert y Cultura

Calënder Ladin 2023 danman

A San Martin de Tor él gnü presenté le Calënder Ladin 2023, co é con söa varieté na publicaziun de referimont por la popolaziun: n calënder popular co liëia adöm enformaziuns d'ütl con la cultura.
de Mateo Taibon / Mara Miribung

Le Calënder Ladin 2023 – la 62ejima ediziun - é gnü presenté con na picia festa y na serada de compagnia abelida musicalmonter da Arcangelo Obwegs.
Dé fora vën le Calënder Ladin dal EPL - Ert por i ladins, co á n'ativité ampla danter ert, letetatöra y musiga. Le conzet é dla pröma ediziun encá, chëra dal 1962, romagnü sostanzialmonter le medemo.
Le Calënder Ladin, o la "pratica ladina" desche jont i dij, é na publicaziun dër popolara co röa te gran pert dles ciases fora por la Val Badia y ince pa badioc y maroi foradecá. Lëite le calënder dai dis con i sanc, i planëc y la löna, mo trepa lerch ciafa argumonc de storia y cultura, emportantes les fotografies vedles, co fej fora zirca n terzo dla publiacziun.
La varieté dai contenüs respidlëia la varieté dl'EPL y ti dá lerch a aspec desvalis dla tradiziun, mo ince ala creativité: vigne ann fej n ater artist le coertl y l'ilustraziun dai mënsc, eniann él Helmut Pizzinini d'La Ila.
Le prisc dal Calënder Ladin é de 15 euro.

					

Al podess ince te interessé…


					
						

De autri video Ert y Cultura