Nvieda via la sajon dla garejedes de nudé
Tla nudadoia Mar Dolomit a Urtijëi iel unì a se l dé la prima garejeda VSS do la pandemia, metuda a jì dal Club de nudé Gherdëina.
I atlec ie mo pitli, l tifo perchël mo n tan grant: La garejeda a livel pruvinziel te Gherdëina ie stata la prima do la pandemia.
Ntëur 130 partezipantes y partezipanc ie unic adalerch da dut l Sudtirol, sambën cun n bel sustëni da pert dla families. Per trueps iel do la paussa sfurzeda la prima garejeda de si vita.
La mpurtanza de na nudadoia te valeda
L Club de nudé Gherdëina ie una dla lies sportives mo plutosc jëunes tla valeda, ma à urmei ënghe bele tradizion y fej n'atività mpurtanta per amplië la vela de sortes de sport te Gherdëina, ma nce per ti nsenië a nudé a jënt de uni età.
Cun la nudadoia Mar Dolomit a Urtijëi, l'unica nudadoia publica tla pruvinzia che vën meneda da na sozietà privata, à la lia na nfrastrutura drët adateda per si atività, che muessa avëi cërta carateristiches per pudëi fé garejedes de nudé.
Na fertuna, che n aprijea mo deplù te chisc tëmps, ulache nia puecia nudadoies à stlut pervia di cosć dl'energia nia plu da pudëi supurté. Te vel raion ie la situazion al mumënt plutosc critica, sà l presidënt dla sezion nudé tl VSS, Igor Lusetti.
N fej cie che l ie mesun
Tan inant de messëi stlù vel nfrastrutura sportiva ne dëssla te Gherdëina nia ruvé.
Cun proiec d'uni sort cialerà nce la man publica tl daunì de ti judé ala lies a jì inant cun si atività y nsci nce de ti dé inant la ucajion a mutans y mutons dla valeda de fé d'uni sort de sport y nce de pudëi sentì la legrëza de avëi fat bën la prima garejeda de si vita.
Ntëur 130 partezipantes y partezipanc ie unic adalerch da dut l Sudtirol, sambën cun n bel sustëni da pert dla families. Per trueps iel do la paussa sfurzeda la prima garejeda de si vita.
La mpurtanza de na nudadoia te valeda
L Club de nudé Gherdëina ie una dla lies sportives mo plutosc jëunes tla valeda, ma à urmei ënghe bele tradizion y fej n'atività mpurtanta per amplië la vela de sortes de sport te Gherdëina, ma nce per ti nsenië a nudé a jënt de uni età.
Cun la nudadoia Mar Dolomit a Urtijëi, l'unica nudadoia publica tla pruvinzia che vën meneda da na sozietà privata, à la lia na nfrastrutura drët adateda per si atività, che muessa avëi cërta carateristiches per pudëi fé garejedes de nudé.
Na fertuna, che n aprijea mo deplù te chisc tëmps, ulache nia puecia nudadoies à stlut pervia di cosć dl'energia nia plu da pudëi supurté. Te vel raion ie la situazion al mumënt plutosc critica, sà l presidënt dla sezion nudé tl VSS, Igor Lusetti.
N fej cie che l ie mesun
Tan inant de messëi stlù vel nfrastrutura sportiva ne dëssla te Gherdëina nia ruvé.
Cun proiec d'uni sort cialerà nce la man publica tl daunì de ti judé ala lies a jì inant cun si atività y nsci nce de ti dé inant la ucajion a mutans y mutons dla valeda de fé d'uni sort de sport y nce de pudëi sentì la legrëza de avëi fat bën la prima garejeda de si vita.