"Messon fé l lëur de maester de schi inò plu atratif"
Puech dan l mëter man dla sajon da d'inviern à l Coleghium Pruvinziel di Maestri de Schi lità n presidënt nuef: Roby Demetz de Urtijëi.
Te puec dis, canche i mplanc portamont jirà mpue dlonchora inò n funzion, tulerà nce i maestri de schi inò ca si massaria da lëur.
Menà vën la categoria da n coleghium a livel pruvinziel, che se cruzia de dut cie che à da nfé cun la furmazion y l ajurnamënt prufescionel, ma nia mé.
L Coleghium Pruvinziel di Maestri de Schi ie nce tlo per purté inant la ghiranzes dla categoria a livel pruvinziel y per ti dé vijibltà.
Lità l presidënt nuef
Roby Demetz ie dan da puech unì lità presidënt dl coleghium. Na ncëria, che ël uel sëurantò a tëmp plën. Maester de schi y istrutëur da passa 30 ani, sà Demetz ulache ie la deficulteies te si categoria de lëur, che se fej ert, sciche trueps d'autri ciamps, a curì duc i posć de lëur che fossa a desposizion.
"L lëur muessa inò unì plu atratif"
La tendënza jirà for deplù tla direzion de n mestier che n possa fé dut l ann, ntegran l lëur dl maester de schi cun chël de mëinajita o roda da mont.
Ti ani passei iel bele unì fat truep de chësc viers, ma n possa mo miuré, ie Roby Demetz segur.
De cie che l diretif nuef uel nce se cruzië, ie de despartì l coleghium di maestri de schi dala gestion dla scoles de schi, che ie al mumënt mo una sëula.
Danter maestri de schi, snowboard, pudejé y assistënc ruven su sun passa 2000 persones che à da lëur te duta la pruvinzia.
Menà vën la categoria da n coleghium a livel pruvinziel, che se cruzia de dut cie che à da nfé cun la furmazion y l ajurnamënt prufescionel, ma nia mé.
L Coleghium Pruvinziel di Maestri de Schi ie nce tlo per purté inant la ghiranzes dla categoria a livel pruvinziel y per ti dé vijibltà.
Lità l presidënt nuef
Roby Demetz ie dan da puech unì lità presidënt dl coleghium. Na ncëria, che ël uel sëurantò a tëmp plën. Maester de schi y istrutëur da passa 30 ani, sà Demetz ulache ie la deficulteies te si categoria de lëur, che se fej ert, sciche trueps d'autri ciamps, a curì duc i posć de lëur che fossa a desposizion.
"L lëur muessa inò unì plu atratif"
La tendënza jirà for deplù tla direzion de n mestier che n possa fé dut l ann, ntegran l lëur dl maester de schi cun chël de mëinajita o roda da mont.
Ti ani passei iel bele unì fat truep de chësc viers, ma n possa mo miuré, ie Roby Demetz segur.
De cie che l diretif nuef uel nce se cruzië, ie de despartì l coleghium di maestri de schi dala gestion dla scoles de schi, che ie al mumënt mo una sëula.
Danter maestri de schi, snowboard, pudejé y assistënc ruven su sun passa 2000 persones che à da lëur te duta la pruvinzia.