La cripl de Rudolf da Lenert ie ruveda de reviers te Gherdëina
Do ani ti Paejes Tudësc y tla Svizra, ie la gran cripl zipleda l ann 1910 śën metuda ora tla vedrina dla cësa de cultura de Urtijëi.
Degun Nadel zënza cripl. Tla vedrina dla cësa de cultura de Urtijëi iel chëst'ann da udëi na cripl, che ie stata de viac per trueps ani y che ie śën inò unida de reviers a cësa.
Na cripl va de viac
La cripl ie unida zipleda l ann 1910 da Rudolf Moroder da Lenert, mut dl prim ambolt de Urtijëi Franz Moroder y patron de na gran berstot de scultura.
Cun chësta cripl ti à Rudolf Moroder fat na scincunda a si nevicia Josefine Leimstädtner.
L ann 1912 sëurantol Rudolf Moroder la filiela dla berstot de scultura a Offenburg, ti Paejes Tudësc. Ma mé doi ani do, l ann 1914, toma Rudolf tla viera, sul front dla Ruscia.
La cripl ie for stata te cësa Rudolfine a Urtijëi, nchin ala mort de Josefine, l ann 1959.
La cripl ie for resteda te familia
"Daldò ie la cripl ruveda da si mut Siegfried ti Paejes Tudësc" conta l culezionist y apasciunà d'ert Wolfgang Moroder. "Chësc ova doi mutans y n mut. Una de si mutans, Christa, à arpà la cripl y se l'à tëuta pea tla Svizra".
Per trueps ani iela uni ann inò unida metuda ora tla sënta di "Focolari", pra chëi che Christa fova leprò. "Śën ie chësta sënta unida stluta y a Christa, nepota de Rudolf Moroder da Lenert, ti stajovel a cuer, che la cripl unissa inò de reviers te Gherdëina" conta Wolfgang Moroder inant.
Nsci ie la cripl, do n viac tres deplù paejes, śën, propi sun scumenciadiva de Wolfgang Moroder, inò unida de reviers.
Na cripl fata cun amor
L ie na cripl da de gran dimenscions, la ntraunida dl Nadel, la nasciuda de Geju te stala, dl'adurazion di pastri y l'unida di trëi rëiesc, se sënta ite a puntin tl paesaje urientel.
Na gran marueia ie l amor per l detail cun chël che l ie unì laurà y che vën ora te uni pitla figura.
La rafigurazion realistica di persunajes dla cripl ie na testemunianza dl gran fortl dl scultëur Rudolf Moroder. Per la esprescions stersces di musc dla figures zipledes ti stajovel de model al artist pëtleri y marcadënc che capitova te si berstot.
Per n daunì spera Wolfgang Moroder, che la cripl posse giapé na lerch nce tl Museum de Gherdëina, se tratl pu de n pez de valor cun na storia particulera.
Ntant possun mo ti cialé nchin do Santa Guania. La ie mo metuda ora nchin ai 8 de jené tla vedrina dla cësa de cultura de Urtijëi, a man ciancia dla ntreda prinzipela sun plaza San Durich.
Na cripl va de viac
La cripl ie unida zipleda l ann 1910 da Rudolf Moroder da Lenert, mut dl prim ambolt de Urtijëi Franz Moroder y patron de na gran berstot de scultura.
Cun chësta cripl ti à Rudolf Moroder fat na scincunda a si nevicia Josefine Leimstädtner.
L ann 1912 sëurantol Rudolf Moroder la filiela dla berstot de scultura a Offenburg, ti Paejes Tudësc. Ma mé doi ani do, l ann 1914, toma Rudolf tla viera, sul front dla Ruscia.
La cripl ie for stata te cësa Rudolfine a Urtijëi, nchin ala mort de Josefine, l ann 1959.
La cripl ie for resteda te familia
"Daldò ie la cripl ruveda da si mut Siegfried ti Paejes Tudësc" conta l culezionist y apasciunà d'ert Wolfgang Moroder. "Chësc ova doi mutans y n mut. Una de si mutans, Christa, à arpà la cripl y se l'à tëuta pea tla Svizra".
Per trueps ani iela uni ann inò unida metuda ora tla sënta di "Focolari", pra chëi che Christa fova leprò. "Śën ie chësta sënta unida stluta y a Christa, nepota de Rudolf Moroder da Lenert, ti stajovel a cuer, che la cripl unissa inò de reviers te Gherdëina" conta Wolfgang Moroder inant.
Nsci ie la cripl, do n viac tres deplù paejes, śën, propi sun scumenciadiva de Wolfgang Moroder, inò unida de reviers.
Na cripl fata cun amor
L ie na cripl da de gran dimenscions, la ntraunida dl Nadel, la nasciuda de Geju te stala, dl'adurazion di pastri y l'unida di trëi rëiesc, se sënta ite a puntin tl paesaje urientel.
Na gran marueia ie l amor per l detail cun chël che l ie unì laurà y che vën ora te uni pitla figura.
La rafigurazion realistica di persunajes dla cripl ie na testemunianza dl gran fortl dl scultëur Rudolf Moroder. Per la esprescions stersces di musc dla figures zipledes ti stajovel de model al artist pëtleri y marcadënc che capitova te si berstot.
Per n daunì spera Wolfgang Moroder, che la cripl posse giapé na lerch nce tl Museum de Gherdëina, se tratl pu de n pez de valor cun na storia particulera.
Ntant possun mo ti cialé nchin do Santa Guania. La ie mo metuda ora nchin ai 8 de jené tla vedrina dla cësa de cultura de Urtijëi, a man ciancia dla ntreda prinzipela sun plaza San Durich.